যেম জুম্ম দাদা ইধু
মহেন্দ্র চাঙমা
মা ওমা বেল জুরো পরেললোই
দাদা ন-এজের গেল হুধু?
চেরেই পুগ দগত্তন চেরেঙ চেরেঙ
মনান ন-বুঝের তে আগে হুধু?
মা তুই দঅ হয়োচ হাক্কে এবঅ
মরে পিদে আনি দিবাত্তে যেয়ে।
ও..মা দাদাত্তুন হি মরে চিদ ন-পুরে?
দেঘে দে মা হন পদেদি যেয়ে।
মা..দেঘে দে মরে যেম মুইও সিধু
ঝার-তারুম ফেলে যেম তা ইধু।
চেবার চাঙ দাদারে বেলঅ ছদগ থাগদে
দেঘে দে মা ইক্কু যেম তা ইধু।
মা..ওমা দাদা দঝাদ ন-আঘে দঅ?
দিদি গেলগোই মরে ফেলে।
মরে চিক্কো দাগিবার নেই হিওই
দাদা ও..দাদা তুই হুদু গেলে!
মা..দাদা হিত্তে সমত নদে?
হিত্তে ফেলে গেলঅ মরে?
মা..ওমা মারে..ইরি দেনা মরে।
ন-দরেম মুই মা তোগাযেম দাদারে।
মা..ওমা..হেত্তে ন-মাদজ?
তোগা যেমমে মুই দাদারে।
ইরি দেনা মাদো..ওমাদো..
তোগা যেমমে মুই দাদারে।
মা..ওমা..যাঙর মুই তোগা।
তোগেমমোই সংসারঅ হাজাত
মা যাঙর মুই, দোলে থাক।
মা উজ ন-আরেজ ফিরি এম এই জাগাত।
যাঙর মা মুই যাঙর।
২০২৪
