লাড়েই সমার জুম্মবী
শৈলেন চাকমা
নুঅ দিনোর আরগানিত
জুম্মবী তুই ওজ লাড়েইওর সমারী
লাড়েই পদত সমার অবে,
হিজেক ছারি ছারি।
এবেহ্ তুই পিনোন গুজ-দি
মাদাত হবঙ বানি;
ঝাকঅ সমারে হুজ পেলেই
আদিবে তুইও হুজ মিলেই
লাঙেলঅ পদে পদে।
এই লাড়েইওত জীংহানি পদত,
ঝাঁক বানি থেবেহ্ তুই য়েল মোন বুগোত;
মোন মুড়ো জাগানি জুড়িবে মনত
তুই অবে জাদর লাড়েইওর সমার এ যুগোর কল্পনা।
জুম্মবী জাদর ভালেদোত চেদন ফিরেজ,
জাদর লাড়েইওত ন ডোরেজ;
পিচ্ছে ন লামি মুজুঙে উজেজ,
জাদর বিজগত নাঙ ফুদেজ।
মনত রাগেজ জুম্মবী এই লাড়েই জুম্ম জাদত্তেই।
