রতন চাকমা
‎
তুই আঘচ ঝারে জঙলে,
‎মুই আঘং ঘরে দুয়োরে।
‎কধক দুঘোত কধক কষ্টত
‎কাদে তর জীংকানি।
‎মুই আঘং সুঘে সুঘে,
‎দিন কাদদন তর দুঘে দুঘে।
‎মনে কলেয়ো বেরেই ন পর
‎চেরোমিক্যে পোতপোত্যে জুনোপহর।
‎মুই বেরাঙর গীত গেই গেই,
‎মন’ ভিদিরে নেই কন’ ডর।
‎ঘুম এলে ঘুম যেই ন পর
‎অক্ত এলে উধি পর।
‎মুই যাঙর ঘুম এগজা,
‎পুনোলেজা খোরখোচ্যে অহর।
‎এই দিনুন বানা দিন নয়,
‎আর’ নুয়ো দিন এবাক ফিরি।
‎সেক্কে থেবং আর’ এক লঘে,
‎আগ দিনো সান্ আলুলো দুলুলো গোরি।

লেখক: শিক্ষার্থী, রাঙ্গামাটি সরকারি কলেজ